ڕوانگە - دەستەی کەشناسیی عێراق، ئەمڕۆ هەینی یەكی ئابی 2025، وردەکاریی کەشوهەوای وڵاتی بۆ ڕۆژانی داهاتوو بڵاوکردەوە و پێشبینیی بەرزبوونەوەی خۆڵبارین و کەمێک بەرزبوونەوەی پلەکانی گەرمای کرد بۆ هەفتەی داهاتوو.

لە بەیاننامەیەکدا دەستەکە ڕای گەیاندووە، سبەی شەموو کەشوهەوا ساماڵ دەبێت و پلەکانی گەرما لە ناوچەکانی باکور و باشوور نزیک دەبن لە تۆمارەکانی ئەمڕۆ، بەڵام لە ناوەڕاستی وڵات کەمێک بەرزتر دەبنەوە.

بەپێی پێشبینییەکان، بەرزترین پلەکانی گەرما بۆ سبەی بەم شێوەیە دەبن:

بەسرە: 50 پلەی سیلیزی

میسان و زیقار: 49 پلەی سیلیزی

نەجەف و موسەننا: 48 پلەی سیلیزی

کەربەلا، دیوانیە، واسیت، و بابل: 47 پلەی سیلیزی

بەغدا و سەڵاحەدین: 46 پلەی سیلیزی

کەرکووک و دیالە: 45 پلەی سیلیزی

هەولێر: 43 پلەی سیلیزی

دهۆک و سلێمانی: 42 پلەی سیلیزی

دەستەکە ئاماژەی بەوەیش کردووە کە ڕۆژی یەکشەم، بایەکی چالاک لە بەشەکانی ڕۆژهەڵاتی ناوچەکانی ناوەڕاست و باشوور هەڵدەکات و دەبێتە هۆی بەرزبوونەوەی خۆڵبارین.

هەروەها ڕۆژی دووشەم، خۆڵبارین لەو ناوچانە بەردەوام دەبێت، بەڵام بۆ ڕۆژی سێشەم، پلەکانی گەرما بە گشتی بەرز دەبنەوە و بایەکی مامناوەند هەڵدەکات.